ಸಮಸ್ಯೆಯ ಸ್ವರೂಪವನ್ನು ಸರಿಯಾಗಿ ಗ್ರಹಿಸಲು ಮತ್ತು ಪರಿಹಾರ ಸೂಚಿಸಲು ಅತ್ಯಂತ ಸ್ಪಷ್ಟವಾದ ಚಿಂತನೆ ಇರಬೇಕು. ಅದನ್ನು ತಿಳಿಹೇಳಲು, ಪಾಂಡಿತ್ಯ, ಪರಿಶ್ರಮಗಳಿರಬೇಕು. ರಾಜಕೀಯ ಚುಕ್ಕಾಣಿ ಹಿಡಿದಿದ್ದ ದೊಡ್ಡವರನ್ನು ಎದುರಿಸುವ ಎಂಟೆದೆ ಇರಬೇಕು. ಈ ಎಲ್ಲ ಗುಣಗಳು ಬಾಬಾ ಸಾಹೇಬರಲ್ಲಿ ಮುಪ್ಪುರಿಗೊಂಡಿದ್ದುವು. ಈ ಗ್ರಂಥದಲ್ಲಿಯೆ ಎಲ್ಲದಕ್ಕಿಂತ ದೊಡ್ಡ ಭಾಗ ನಾಲ್ಕನೆಯದು. ಇದರಲ್ಲಿ ಮುಸಲ್ಮಾನ ಸಮಾಜದಲ್ಲಿ ಬೇರು ಬಿಟ್ಟಿರುವ ಅತ್ಯಂತ ಜುಗುಪ್ಸಾವಹವಾದ ದೋಷಗಳನ್ನು ಬಿಡಿಸಿ ಬಿಡಿಸಿ ಬರೆಯಲಾಗಿದೆ.